نكت مضحكة

6-واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي
ثنين ساكنين في خيمة وراقدين على ظهورهم بالليل ناظر الأول للسما وقال للثاني وش تشوف ؟ قال اشوف نجوم كثيرة.... قال هذا وش يدل علية ؟ قال الثاني : ان فيه مجرات وكواكب غيرنا في هالكون . قال الأول هذا يدل ان سقف خيمتنا انسرق ياغبي
2-زوج توام يقروا مع بعض لقبهم بوط واحد عاقل والاخر قبيح ذات مرت اراد المعلم ان يسال المشاغب قالوا بوط ناض الاخ العاقل واه معلم قلوا منيش عليك راني على الفردة الاخرى
حمار حب يبدل اسمه ذهب عند الاسد قلوا الحمار انني اريد ان ابدل اسمي قل له الاسد اذهب عند الذئب فهو المسؤول عن تغيير الاسماء فلما جاء الحمار عند الذئب اخبره انه يريد تغيير اسمه فقال له الذئب وماهو الاسم الذي تريده قال له الحمار سمكة فساله الذئب هل تجيد السباحة فاجاب الحمار لا فقال له الذئب لانك حمار .
هادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة
هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا؟
مزطول راح للدكتور يشكي انه كل ما يرقد ‏يحلم بقطط يلعبو في الكرة . قالو الدكتور : مترقدش يومين .. قال المزطول: منجمش على خاطرغدوة La Final
استدعي الرئيس عبد العزيز بوتفليقة جماعة ن شبان معسكر و قال لهم تقدموا تراكم متخلفين بزاف فحملوا الشبان كراسيهم و تقدموانحوه
-واحد مزطول ماسك علبة مسامروطاح منهم مسمار قلو يا ولدي أرجع يرحم بوك ارجع.... المسمارمحبش يرجع .... كب علبة المسامر كلها و قال : جيبوووووووووووووه
14-واحد قروي شاف امو حامل قالها هدا شكون قالت خوك قالها وعلاش كليتي
5-واحد عندو دراجة .كان في الطريق يرفع العجلة فاستوقفه شرطي واعطاه بروسي و كتب فيه محاولة طيران
مشحاح طاحت دراهمه من التاقة. كي نزل ما لقاهاش. ليش؟؟؟؟ لأنه وصل قبلها.
كان الحلاق شادد مغناطيس على راس زبون معبي بالشعر تعجب الزبون و قالو: واش تعمل ؟ قالو الحلاق: انحوّس على المقص
وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

والله يا نجيب تاعطيك الصحة يقتلوا بالضحك علاش ماقلتلهمش على نتاع المعسكرية اللي دتخلين يسرقوا ضك نحكيها مالا اقلك ثلاث معسكرية رايحين يسرقوا بونكا مالا تفاهموا داروا خطة الخطة تقول انهم بكسروا الباب الاول ويزيدو 2 ويزيدو 3 يلقاو العساس يقتلوه ويدخلوا يسرقوا مالا راحو كسرو الباب الاول زادوا الثاني زادوا الثالث مالا مالقاوش العساس نطق واحد قاللهم هيا نرجعوا فشلت الخطة ههههههههههههههههههههههههههههههههههه

بارك الله فيك يامحسن راك نحيتنا ضيقت الروح

شكرا على هذه النكت الرائع حقا انها ترفه عن النفسء

ههاهاهاهاهاهاهاهاهاهاهاهاهاها

وراك يا محسن والله غير توحشنا القصص تاوعك
ننتظر جديدك بفارغ الصبر



نور الهدى